أبوذیّات ریم ألکرخة
لیش إلشیب طب بإلراس وألحی
لیش إحبابنه إتغرّبت وألحی
لیش إلمات ما ینذکر وألحی
لیش إلشوف قل جاب إلاذیّه
...
أحبّک و أحب من حبّاک وهلاک
إنتظرتک ما تمر یا ریم وهلاک
إفراگک صعب ما ینحمل وهلاک
أنا أترجّاک رد و إرحم علیّه
...
إلبخت لو نگص لهل إلطیب ینعاد
و أبو إید إلچریمه بطل ینعاد
أهل إلجود عدهم مثل ینعاد
إکرم یکرمک رب إلبریّه
...
یریم إلکرخه إلک زیّک ولک در
إگلاده إو عل سدر تزهی ولک در
یلمع بإلشمس خدّک ولک در
إبتلال أللّه و أکبر تلهم إتراب
...
راعی إلبیت إعرفه من جداره
إبهتافه إبطگ أشهده من جداره
یظل لهله إبنداره من جداره
إو یعین إلطایح إلبیه إلحمیّه
...
لتصاحب خبیث إو نذل ویرد
مثل بول إلجمل ینعکس ویرد
إلیربّی طیر مهما بعد ویرد
علی أهله إو ما یبیع أهله إبردیّه
حشیء إلسامع
...
إنصم و إبکم خبر و إکتم یجاسم
إو ربّک و إعتقد بإلحق یجاسم
إلیعارض حکمة إلحاکم یجاسم
یهلکونه إو تظل داره خفیّه
...
إبعین إلّی یضدنی إسهام بزّیت
إبجدر زودی حرگته إشتعل بزّیت
علی إعناده إبثیاب إلفخر بزّیت
إو کشخت إو عاندیت إلبیه أذیّه
...
یقاتی لا تبیع إلغله بیه عار
رخیص إو سوگه حار إو سرا بیه عار
مو بس إلظَلم بإلخلگ بیه عار
إلمظلوم إو سکت حگّه إلمنیّه
...
إلسحق نمله إبغضب یگطع بلاعم
إو یظل مفرود بعماله بلاعم
إلظالم لو هتک جائر بلاعم
إلإثم بأضعاف زاد أهل إلرعیّه
...
ندگ إهموم فوگ إهموم ونعاب
إو نلبس بإلچفافی إبعگل ونعاب
ما یدرون گلبی إنزرف ونعاب
یلومونی إبعذابی إلمر علیّه
...
إبگفل عگلک ختم ذبله وسربیه
إنتخب زین إلدرب جبله وسربیه
گلبک خلّه حر و إشله وسربیه
إلرب إلکون و إکشف کل قضیّه
...
کلامی أجمعته ألک ربّی ولمته
إبلیس إو سدّدت دربه ولمته
بری من کل فعل جائر ولمته
أریدن لمّت إلحگ و إلحچی إلصاب
...
إشکثر صدقان إلی إنحازت ولاچت
إبسفرتی کلت و إتهنّت ولاچت
شبعت حجّبت لبست ولاچت
إلوکت مشّوه علی غابوا سویّه
...
عین إبعین للحاسد ومرته
طردته إگبال عین أهله ومرته
إلیعاند ما أود دشته ومرته
عدو متلبس إبثوب إلخویّه
...
إلعال إو یفصل إلمعلول یبره
ضمدی إجروح ناس إلتشگ یبره
فگد إلإخو گلّی بیش یبره
إلفاگد إخو یعرف قدر أخیّه
...
جاسم ثعلبی ألحسّانی 31/02/1401
:: برچسب‌ها:
أبوذیّات ریم ألکرخة ,
:: بازدید از این مطلب : 881
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
